Radio Tamsaling - फुलमानको नीरफूलमा भिन्न भूमिकामा देखिदै 'दयाहाङ'

फुलमानको नीरफूलमा भिन्न भूमिकामा देखिदै 'दयाहाङ'

मनोरञ्जन तामसालिङ खबर प्रकाशित मिति: २०७४ भाद्र ०२ शुक्रवार

भदौ, २ हेटौडा :
भुकम्पले छिन्नभिन्न भएको परिवारले पुर्नमिलनको लागि गर्ने संघर्षमा आधारित चलचित्र 'नीरफूल' अहिले गणेश हिमाल मुनिको रुबी भ्याली र काठमाडौंमा छायांकन भइरहेको छ ।

संचारकर्मी, कवि एवं कथाकार फूलमान वलले फिल्म निर्देशनमा हात हालेका छन् । फिल्म युनिटले बिहीबार राजधानीमा पत्रकार सम्मेलन गरेर ‘नीरफूल’को ७० प्रतिसत छायांकन पुरा भएको जनाएको छ । 


चलचित्रमा मुख्य भुमिका गरेका नायक दयाहाङ राईले पटकथा मनपरेर आफूले फिल्म खेलेको जनाए । ‘अचेल म स्क्रिप्ट पारिश्रमिक हेरेर मात्रै काम गरिरहेको छु’ उनले भने, ‘यो फिल्मको कथाबस्तु निकै बलियो र मनछुने छ र यसमा मैले निकै फरक र चुनौतीपुर्ण भुमिका गरेको छु ।

फिल्ममा विशेष भुमिकामा देखिन लागेकी नायिका रेखा थापाले पनि यसको कथाले नै आफूलाई तानेको बताइन् । फिल्ममा दयाहाङको जोडीको रुपमा नव नायिका शान्ती वाइबा देखिंदै छिन् । उनले यसअघि एउटा फिल्मको सानो रोलमा दयाहाङकै पत्नी भएको खेलेको सुनाउँदै ‘नीरफूल’मा भने आफूले मन फुकाएर काम गर्न पाएको बताइन् । उनले रुबी भ्यालीको गोठमा आगो ताप्दै भेंडीको दुध खाएको रोचक अनुभव सुनाइन् । बाल गायिका जिग्मे छ्योइकी घिसिङ फिल्मको मुख्य भुमिकामध्ये एकमा छिन् ।

फिल्मको कथा, पटकथा र गीत निर्देशक वल स्वयंले नै लेखेका छन् । पटकथामा उनलाई एशोसिएट निर्देशक सचिन घिमिरेले पनि साथ दिएका छन् । निर्देशक वलले दुईबर्षअघिको महाभूकम्पपछि दिमागमा कथा क्लिक भएको बताउँदै फिल्ममा राज्य प्रणालीको भष्टता पनि उठाउन खोजिएको बताए । ‘यो धादिङ रुबी भ्यालीको एउटा परिवारको कथा हो’ उनले भने, ‘यो ठाउँको भूगोल, प्रकृति र संस्कृतिबारे अहिलेसम्म बाहिर आएको छैन । यस हिसाबले यो फिल्मले रुबी भ्यालीलाई पनि चिनाउने छ ।’


फिल्मको निर्माणमा ‘सहकार्यको मोडल’ अपनाइएको उनले जनाए । फ्रेण्ड्स अफ नेपाल-म्यान्मार फ्रेन्डसिप काउन्सिल र अमेरिकास्थित ग्रीनतारा इन्टरटेनमेन्टको सहकार्यमा सेलो प्रोडक्शनले निर्माण गरिरहेको फिल्मको कार्यकारी निर्माता भने डोमा सोनाम हुन् । यसबाहेक निर्माताको रुपमा कतारबाट माया केसी, बेलायतबाट दिपक श्रेष्ठ, इजरायलबाट चन्द्रमाया तामाङ, जापानबाट उदय लामा, कोरियाबाट दिनेश लम्तरी मगर र नेपालबाट अशोक थापा छन् ।

फिल्म सामाजिक विषयबस्तुमा आधारित रहेकोले आफूहरुले सहकार्य गरेको नेपाल-म्यान्मार फ्रेण्डसीप काउन्सिलका अध्यक्ष शंकर घिमिरले जनाए । ‘हाम्रो लगानी गैरनाफामुखी हो’ उनले भने, ‘यो फिल्मले समाजको कथा भन्नेछ । सामाजिक क्षेत्रमा काम गर्दै आएको काउन्सिलले यही कारण सहकार्य गरेको हो ।’

फिल्ममा बुद्धि तामाङ, पुस्कर गुरुङ, सरिता गिरी, राजन खतिवडा, सरोज अर्याल, मानस राज, लक्ष्मी बर्देवा, जीवन बराल, रोशन फ्युबा, खेम मोक्तान लगायतका कलाकार छन् । एशोयिएट निर्देशक सचिन घिमिरेले पनि पटकथामा सहकार्य गरेका छन् भने प्रमोद कार्कीको छायांकन, अर्जुन पोखरेलको संगीत रहेको कार्यक्रममा बताइयो । फिल्मको ३० प्रतिशत छायांकन बाँकी रहेको र आउँदो माघमा रिलिजको योजना रहेको निर्देशक वलले जनाए ।    
(कान्तिपुर)


सम्बन्धित भिडियो


सम्बन्धित तस्विरहरु


कमेन्टसहरु



हाम्रो वारे

ल्हासो/फ्याफुल्ला ।
ग्रेटर ताम्सालिङ् मिडिया प्रालिद्वारा संचालित रेडियो ताम्सालिङ अनलाईन नेपालकै पहिलो तामाङ भाषाको अनलाईन रेडियो हो । स्वदेश र विदेशमा बस्ने केही तामाङ यूवाहरुको पहलमा तामाङ गीतसंगीत,तथा म्युजिक भिडियो गीत,सस्कार संस्कृतिको जगेर्ना गर्ने,तामाङको पहिचानका लागि आवाज उठाउने उदेश्यले यो अनलाईन संचालनमा आएको हो ।

ग्रेटर तामसालिङ मिडिया प्रा.लि.

रेडियो तामसालिङ अनलाईन, हेटौंडा
हेटौंडा उपमहानगरपालिका - ४
पारिजात पथ,शितलमहल चोक, हेटौंडा
फोन : ९८५५०७२८९०, ९८४५५१३७८९
http://www.radiotamsaling.com
Email: radiotamsaling@gmail.com


388068 Times Visited.

संचालन तथा प्रायोजनको हक सर्बाधिकार © ग्रेटर तामसालिङ्ग मिडिया प्रा.लि., हेटौंडा २०७३ मा सुरक्षित रहनेछ ।
Powered by :
Top